Темата на кампањата за 2025 година: “Дијабетес и благосостојба”

 

F Kоја е целта?

Целта на Светскиот ден на дијабетес 2025 година е да се подобри благосостојбата на луѓето со дијабетес преку поддршка на работното место, пристап до грижа и почитување на нивните ментални, физички и социјални потреби.

 

F Клучни факти:

• Дијабетесот е директна причина за 1,6 милиони смртни случаи годишно.
• Последици: Дијабетесот може да доведе до слепило, бубрежна инсуфициенција, срцеви удари, мозочни удари и ампутации на екстремитети.
• Пристап до нега: Многу луѓе со дијабетес немаат пристап до неопходната здравствена нега, што ја зголемува тежината на болеста.
• Ментално здравје: Луѓето со дијабетес често се соочуваат со анксиозност, депресија и стрес, што дополнително го комплицира управувањето со состојбата.

F Како да го спречиме или контролираме?

• Здрава и урамнотежена исхрана: консумирај храна богата со растителни влакна, зеленчук, овошје, полнозрнести житарки и здрави масти
• Редовна физичка активност
• Одржувај здрава телесна тежина
• Контролирај го нивото на шеќер во крвта
• Направи редовни лекарски прегледи
• Грижи се за менталното здравје – управувањето со стресот, добриот сон и поддршката од блиските се подеднакво важни

F Како да се поттикне благосостојба при дијабетес?

• Обезбедување на прифатлива и квалитетна нега за сите.
• Интегрирање на грижа која ги зема предвид менталното здравје и социјалните потреби.
• Образование и поддршка за луѓето со дијабетес (самонега, управување со состојбата).
• Поддршка на работното место: свесност, прилагодливи услови и елиминирање на дискриминација.

 

* Запомни:

• “Здравите избори го менуваат текот на дијабетесот.”
• “Контролирај го дијабетесот, пред тој да те контролира тебе.”
• “Здравите навики го спречуваат дијабетесот.”

 

Подготвила:

Д-р Билјана Цекова

ЈЗУ Центар за јавно здравје – Штип