ЈЗУ Центар за јавно здравје – Штип континуирано вложува во стручно усовршување на вработените, со цел унапредување на квалитетот на услугите и доследна примена на современите стандарди.
Во таа насока, наши вработени учествуваа на обука во организација на Македонското здружение на лаборатории и инспекциски тела – МАКЛАБ, на тема „Интерните проверки во функција на подобрување на системот за квалитет согласно ISO 17025 и ISO 19011“.
Преку оваа обука се продлабочија знаењата и практичните вештини за спроведување на интерни проверки и унапредување на системите за управување со квалитет, што претставува значаен чекор во понатамошното подобрување на работењето.
По успешно завршување на обуката, учесниците се стекнаа со соодветни сертификати, кои се објавени во прилог.
Со вакви активности продолжуваме да градиме професионален и квалитетен систем во служба на здравјето на граѓаните.