Отсек за социјално-медицинска дејност
Работни задачи и активности на Отсекот за социјално–медицинска дејност се следниве:
- Следење, анализа и евалуација на здравствената состојба на населението и на одделни специфични групации на население (деца, училишни деца и младина од 7 до 19 години, редовни студенти до 26 години, жени од 15 до 49 години, лица постари од 65 години и други вулнерабилни групи).
- Откривање и проучување на здравствените проблеми и здравствени ризици кај населението кои произлегуваат или се резултат на социјално–економските услови на живот и влијанието на средината:
- хроничните незаразни заболувања (болести на срцето и крвните садови, малигни неоплазми, дијабетес, хроничните болести на респираторниот, дигестивниот и урогениталниот систем);
- професионалните болести;
- повредите на и надвор од работното место;
- туберкулозата како класична “социјална болест”;
- болестите на зависност (алкохолизмот, наркоманијата и пушењето);
- насилството воопшто и посебно кај адолесцентите и др.
- Предлагање на мерки за превенција и контрола на хронични незаразни болести.
- Евалуација на системот и организацијата на здравствената служба и здравствената заштита, обезбеденоста со здравствени установи и кадар, како и следење на извршената работа на здравствените служби.
- Изготвување на публикации (анализи, извештаи и информации).
- Прибирање и обработка на пријави за хронични незаразни болести и водење на регистри.
- Давање стручно–консултативна и методолошка помош од областа на здравствена статистика.
- Континуирано прибирање, обработка, контрола и компјутерски внес на индивидуални и збирни извештаи утврдени со закон.
- Одговор на барање за пристап до информации од јавен карактер.
- Одбележување на светски денови, недели, месеци (подготовка на едукативни и информативни содржини, како и пропаганден материјал).
- Здравствена едукација на населението од областа на јавното здравје.
- Промоција на здравје, здрав животен стил и проучување на процесот на унапредување на здравјето на населението.